नागपूर : सक्तवसुली संचलनालयाने (ईडी) गुरुवारी नागपुरातील सुप्रसिद्ध वकील सतीश उके (Satish Ukey) यांच्या घरावर छापा टाकल्याने मोठी खळबळ उडाली आहे. पहाटे पाच वाजल्यापासून सतीश उके यांच्या घरी छापेमारी सुरु आहे. सतीश उके हे नागपूरसह राज्यात चर्चेत असलेले नाव आहे. सतीश उके यांच्यावरील ईडीच्या कारवाईचे अनेक अर्थ काढले जात आहे. ईडीने सतीश उके यांच्या घरी अचानक धाड का टाकली, याविषयी सध्या अनेक तर्कवितर्क लढवले जात आहेत.
काँग्रेस पक्षाच्या जवळचे म्हणून सतीश उके यांचा लौकिक आहे. सतीश उके यांनी आतापर्यंत अनेक भाजप नेत्यांना अंगावर घेतले आहे. विरोधी पक्षनेते देवेंद्र फडणवीस (Devendra Fadnavis) यांच्याविरोधातही सतीश उके न्यायालयात याचिका दाखल केली होती. २०१४ च्या निवडणुकीवेळी प्रतिज्ञापत्र सादर करताना देवेंद्र फडणवीस यांनी दोन गुन्ह्यांची माहिती लपवल्याचा आरोप सतीश उके यांनी केला होता. हे प्रकरण बरेच गाजले होते.
फडणवीसांविरोधात याचिका करणाऱ्या वकील सतीश उके ईडीच्या ताब्यात
नाना पटोलेंचे वकील सतीश उके यांच्या घरावर ईडीची धाड; फडणवीसांविरोधातील याचिकेमुळं चर्चेतकोण आहेत सतीश उके? (who is satish ukey)सतीश उके यांची काँग्रेस प्रदेशाध्यक्ष नाना पटोले (Nana Patole) यांच्याशी जवळीक आहे. मध्यंतरी नाना पटोले यांनी मोदींचा उल्लेख करत एक वादग्रस्त वक्तव्य केले होते. पंतप्रधान मोदी यांच्याविषयी अवमानजनक भाषा वापरल्याने भाजप पक्ष पटोले यांच्याविरुद्ध आक्रमक झाला होता. या प्रकरणात पटोले यांच्यावर कारवाई होण्याची मागणी केली जात होते. त्यावेळी पटोले यांनी आपण पंतप्रधान मोदी नव्हे तर गावगुंड मोदीवर टिप्पणी केल्याची सारवासारव केली होती. मात्र, पटोले यांचा हा युक्तिवाद कोणीही ऐकून घ्यायला तयार नव्हते. त्यावेळी सतीश उके यांनीच पुढाकार घेत गावगुंड मोदीला शोधून काढले. एवढेच नव्हे तर पत्रकार परिषद घेऊन त्याला स्पष्टीकरण द्यायला लावले. याशिवाय, विदर्भातील भाजपचे नेते चंद्रशेखर बावनकुळे यांच्यावरही सतीश उके यांनी अनेक आरोप केले आहेत.
खरंतर, सतीश उके यांना हायप्रोफाईल वकील म्हणून ओळखलं जातं. काँग्रेस प्रदेशाध्यक्ष नाना पटोले यांच्या फोन टॅपिंग प्रकरणातही त्यांनी पटोलेंच्या बाजूने केस लढवली होती. राजकीय वर्तुळातही त्यांची उठबस असते. इतकंच नाहीतर सतीश उके यांनी गेल्या काही दिवसांआधीच शिवसेना खासदार संजय राऊत यांचीही भेट घेतली होती. सगळ्यात महत्त्वाचं म्हणजे सतीश उके यांनी माजी मुख्यमंत्री देवेंद्र फडणवीस, भाजप नेते चंद्रशेखर बावनकुळे यांच्या विरोधात भूमिका घेतली होती. त्यामुळे त्यांच्यावर ईडीची कारवाई होत असल्याचीही टीका सत्ताधाऱ्यांकडून करण्यात येत आहे.
Satish Ukey:’त्या’ लॅपटॉपमध्ये लोया केस,फडणवीसांविषयी महत्त्वाची माहिती, उकेंच्या कुटुंबीयांचा गंभीर आरोपसतीश उकेंवर ईडीची धाड का पडली?दरम्यान, भूखंड व्यवहारातील आर्थिक प्रकरणाच्या तपासासाठी ईडीने ही धाड टाकल्याचे सांगण्यात येते. गेल्या काही वर्षांपासून उके यांनी भाजप नेत्यांविरोधातन्यायालयात याचिका दाखल केल्या. तसेच पत्रकार परिषदेच्या माध्यमातूनही ते भाजप नेत्यांवरआरोप करीत आहेत. भूखंड व्यवहारातील आर्थिक प्रकरणाच्या तपासासाठी ईडीने ही धाड टाकल्याचे सांगण्यात येते.
महाविकास आघाडीतच वाद होणार?; यूपीए अध्यक्षपदाबाबत संजय राऊतांनी केलं मोठं विधान
महत्तवाचा लेखSatish Ukey:’त्या’ लॅपटॉपमध्ये लोया केस,फडणवीसांविषयी महत्त्वाची माहिती, उकेंच्या कुटुंबीयांचा गंभीर आरोप
