Paras Porwal Suicide: २३ व्या मजल्यावरून मारली उडी
मुंबई : दक्षिण मुंबईतील प्रसिद्ध बांधकाम व्यावसायिक पारस पोरवाल यांनी व्यवसायात झालेल्या आर्थिक तोट्यातून राहत्या इमारतीच्या २३ व्या मजल्यावरुन उडी घेत आत्महत्या केल्याची धक्कादायक घटना गुरुवारी सकाळी घडली. या घटनेची नोंद करत काळाचौकी पोलिसांनी तपास सुरू केला आहे.
पोलिसांकडून मिळालेल्या माहितीनुसार, भायखळा येथे गुरुवारी सकाळी आत्महत्येची घटना घडली आहे. पोरवाल यांनी आत्महत्या केल्याची माहिती मिळताच पोलिसांनी घटनास्थळी धाव घेत तपास सुरू केला. यात पोलिसांना पोरवाल यांनी लिहिलेली एक सुसाईड नोट सापडली आहे. त्यानुसार पोरवाल यांनी व्यवसायात झालेल्या आर्थिक तोट्यातून जीवन संपविण्याचे हे टोकाचे पाऊल उचलल्याची माहिती मिळते आहे.
